ആദരാജ്ഞലികള്‍

തേക്കടിയിലെ ബോട്ടപകടം തടാകത്തിന്റെ സൌന്ദര്യം നുകരാനെത്തിയ വിദേശികളും സ്വദേശികളുമായ 43 വിനോദ സഞ്ചാരികളുടെ ജീവന്‍ അപഹരിച്ചിരിക്കുന്നു. കേരളം ഇന്ന് വരെ കണ്ടതില്‍ വച്ച് ഏറ്റവും വലിയ ബോട്ടപകടമാണിന്നലെത്തെത്. ഒരിക്കലെങ്കിലും തേക്കടിയില്‍ boating നു പോയിട്ടുള്ളവര്‍ക്ക് ഒരു ഉള്കിടിലം ഉണ്ടാക്കുന്ന കാഴ്ചകളാണ് ഇന്നലെ മലയാള ന്യൂസ്‌ ചാനലുകളില്‍ കണ്ടത്.

അപകടത്തില്‍ പെട്ട സഹോദരങ്ങള്‍ക്ക്‌ ആദരാജ്ഞലികള്‍!

KTDC യുടെ ഏറ്റവും പുതിയ ബോട്ടുകളില്‍ ഒന്നാണ് അപകടത്തില്‍ പെട്ടത്. അപ്പോള്‍ ബോട്ടിന്റെ കലാ പഴക്കമോ അറ്റകുറ്റ പണി യഥാസമയം നടത്താത്തതോ അല്ല ഇവിടെ അപകട കാരണം. ബോട്ടില്‍ യാത്രക്കാര്‍ ഒരു വശത്തേക്ക്‌ നീങ്ങിയതും ബോട്ടിന്റെ രൂപകല്പനയിലുള്ള പ്രശ്നവും ഒക്കെ കാരണങ്ങള്‍ ആയി ചൂണ്ടിക്കാണിക്കപെടുന്നു.

വിദേശ രാജ്യങ്ങളുടെയും അത്രയും ഇല്ലെങ്കിലും ഇത്തരം കാര്യങ്ങളില്‍ വേണ്ട ശ്രദ്ധ സര്‍ക്കാര്‍ ഏജന്‍സികള്‍ പതിപ്പിക്കേണ്ടതുണ്ട്‌. ആവശ്യമെങ്കില്‍ ഇതിനു വേണ്ട നിയമങ്ങളും കാലോചിതമായി പരിഷ്കരിക്കെണ്ടിയിരിക്കുന്നു. ഒരു അപകടമുണ്ടാവുമ്പോള്‍ എല്ലാവരും നിര്‍ദേശങ്ങളും ചര്‍ച്ചകളും ആയി രംഗത്ത് വരികയും ഒന്നോ രണ്ടോ ആഴ്ചകള്‍ക്കുള്ളില്‍ ഇതല്ലാം വിസ്മ്രിതിയിലവുകയും ചെയ്യുക എന്നതാണിവിടെ കണ്ടു വരുന്നത്. കൂടി പോയാല്‍ ഒരു സിറ്റിംഗ് ജഡ്ജിയെ കൊണ്ട് ഒരു അന്വേഷണ പ്രഹസനം നടത്തും.

പിന്നെ എല്ലാവരും പണ്ടത്തെ ചങ്കരന്‍ തെങ്ങില്‍ തന്നെ എന്ന കണക്കാവും.

ജല ഗതാഗത രംഗത്ത് മാത്രമല്ല, എല്ലാ മേഖലകളിലും സുരക്ഷാ മാനദന് ഡങ്ങള്‍ പാലിക്കപെടുന്നു എന്ന് ഉറപ്പു വരുത്തേണ്ടിയിരിക്കുന്നു. അത് പോലെ തന്നെ പ്രധാന പെട്ട കാര്യമാണ് emergency response team പോലുള്ള സംവിധാനങ്ങള്‍. ലോക്കല്‍ ഫയര്‍ സ്റ്റേഷനുകള്‍ അതതു പ്രദേശങ്ങളുടെ ആവശ്യങ്ങള്‍ക്കനുസരിച്ചു പരിഷ്കരിക്കപ്പെടേണ്ടതുണ്ട്.